Izaskun Chinchilla ETSAMeko doktorea da arkitekturan, The Bartlett School of Architecturen arkitektura praktikako katedraduna (University College of London) eta Hong Kongeko unibertsitatean katedradun bisitaria. RIBAren aintzatespena jaso du ohorezko atzerriko kide gisa. Cataratak gaztelaniaz eta Actarrek ingelesez editatutako La Ciudad de lo Cuidados izeneko liburuaren egilea da.Hirugarren edizioa agortu du eta nazioarteko 40 hedabide baino gehiagotan aipatu dute.

Arkitekto izanik, bere lanbideak berrikuntza sozial, ekologiko, kultural eta kritikoarekiko konpromiso sendoa izan behar duela aldarrikatzen du. Bere proiektuetan diziplina anitzeko ariketak proposatzen ditu. Horietan, ekologiaren, soziologiaren edota zientziaren bidez, diskurtso estilistikotik urruntzen da eta mundu garaikide batean bizitzaren konplexutasunarekin egiten du topo.