Urteko jaialdirik jaialdizaleena! Hitzaldiak,  foodtruck-ak, diseinuzko merkatua, musika eta tinba, guzti hori segurtasun distantziak mantenduz.

18.00 ONGIETORRIA
19.00 OSCAR GUAYABERO
20.00 MAHAI-INGURUA
21.00 COCO DÁVEZ
22.00 VASAVA
23.00 BREAK - SORPRESA
23.30 OSCAR MARINÉ
24.30 ITXIERA

Autozinema Getxo

Ibarbengoa Estarta 2, Getxo

 

Metroz baldin bazatoz:

3 minutura. Ibarbengoa geltokia

Zenbat pertsona joan gaitezke auto bakoitzean?

Osasun distantzia zaindu eta pantaila behar bezala ikustea ziurtatzeko, auto bakoitzean bi pertsona soilik joan ahal izango dira.

Baina, autotik ondo ikusten da?

Inoiz ez duzu diseinuari buruzko horrelako hitzaldirik ikusi, eta ez duzu besaulki patioetara itzuli nahi izango. Pantailaren 27 metroek dute horren errua.

 

Nola entzungo ditut hitzaldiak autoaren barruan baldin banago?

Autoko irratiaren bidez. Zein frekuentzia sintonizatu behar duzun esango dizugu. Gozatu!

 

Ezin naiteke 18:00etarako iritsi. Beranduago heldu naiteke?

Bai, iristen zarenean sartu ahal izango zara. Baina gu ahalik eta lasterren iristen saiatuko ginateke, gauza asko gertatuko dira eta…

 

Zer gertatzen da urruntze sozialarekin?

Espazioa oso handia da, eta distantziak mantenduz eta arau guztiak betez primeran pasatu ahal izango dugu.

 

Eta data horietan alarma egoeran egongo bagina?

 Jaialdia fase ezberdinetara egokitzeko prestatuta dago, baina konfinatuta bagaude… ezer gutxi egin dezakegu. Beraz, zure sarreraren dirua itzuliko dizugu eta Instagramen zuzenekoa egingo dugu.

 

 

Eta euria eginez gero?

Zure sarrera autoarekin baldin bada, ez kezkatu, autorako bisera batzuk dauzkagu, eta horiei esker pantaila ikusi ahal izango duzu beirak garbitzekoarekin.

Zure sarrera terrazarako baldin bada, egin BBK jaialdian bezala! Katiuskak eta xira. Eeeez, euri asko egiten badu sarreraren zenbatekoa itzuliko diegu diseinuz bustitzera etorri nahi ez dutenei.

 

Kabrioleta daukat. Eramango dut?

Noski! Ezin harroago ibiliko zara horrekin.

 

Buff galera mordo bat bururatzen zaizkit…

Guri ere bai! Baina ezin daiteke berritu eta norbere burua berrasmatu inprobisaziorako marjina utzi barik.

Hala ere, izan beharko zenukeen galdera bakarra honako hau da: Ni izango naiz Serifalarien ediziorik epiko eta zoroena galduko duena?

Prestakuntza intentsu eta intentsiboko hiru egun, Blanding delakoaren sekretuak ezagutzeko hondartzaren alboan.

Egitaraua

SARRERA
Marka diseinura bideratutako ikastaroa, brandingaren gaur egungo markoa gainditzeko helburua duena. Identitate garaikideak askotariko publiko, formatu, gailu eta narrazioetara egokitu behar dira. Markak hartzaile ezberdinekiko sentsibleak izan behar dira, eta estrategikoki moldatzeko nahiz une-oro aldatzen ari den testuingurura etengabe egokitzeko gaitasuna izan behar dute.

LEKUAK
15 pertsona

EDUKIAK
Pentsamendu Kritikoa, Espekulatiboa, Estrategikoa eta  Business
Branding
Komunikazio estrategia
Diseinu grafikoa
Brand Narrative

ESPERIENTZIA
Ikastaro trinko honen helburua, ikasteaz gain, deskonektatzea, partekatzea eta brandingaren munduan murgiltzeko hiru egunez gozatzea da. Elkarrengandik ikasi, lankideak ezagutu edo berriz topatu eta itsasotik gertu egun ahaztezinak igaro.

Urriak 1

14.00 Ongietorria + Bazkaria
16.00 Prestakuntza
20.00 Atsedena
21.00 Afaria

Urriak 2

9:00 Gosaria
10.00 Prestakuntza
14.00 Bazkaria
16.00 Prestakuntza
20.00 Atsedena

Urriak 3

9.00 Gosaria
10.00 Prestakuntza
14.00 Bazkaria
16.00 Agurra

PROGRAMA

1. eguna:
Sarrera: Blanding. Pentsamendu kritiko eta espekulatiboa, identitatearen diseinua eta komunikazio estrategia kontakizun eragile eta berritzaileak eratzeko bitarteko gisa azaldu eta adibideekin adierazten duten arrakastazko kasuak. 2. Eguneko brief-a.

 

2. eguna:
Pentsamendu kritikorako eta espekulaziorako espazio bat eskaintzea eta planteamendu profesional praktikora zuzendutako proiektu bat garatzeko proposatzea. Parte-hartzailek beren interes, helburu eta intuizioak jarraitzera bultzatuak izango dira.

 

3. eguna:
Proposamenak erakutsi eta azaltzea. Diseinu espekulatiboa metodologia gisa erabiliz, sormen prozeduren bidez konponbide berritzaileak sortzeko eta hausnartzeko espazio bat sortu nahi da.

 

NOREN ESKUTIK?

FOLCH
Folch transmedia eta branding agentzia da, egoitza Bartzelonan duena eta 2004an sortua. Diseinu estrategikoa eta transmedia narrazioa erabiltzen dugu paradigma berri batean iritsi diren eta hartzaileak erakartzen dituzten kontzeptuak, markak, kontakizunak eta ekitaldi digitalak diseinatzeko.

 

Albert Folch Rubio
Creative Director & Founder Partner Bartzelona (Espainia), 1977.
Albert estudioaren fundatzailea da, eta Odiseo eta Eldorado bezalako argitalpen ekimenak abian jarri ditu. ESDi School of Designeko graduduna da, eta aurrez Geologia ikasi zuen UABen, eta argazkilaritza ere bai, Anberesko (Belgika) Royal Academy of Artsen. Horrez gain, ELISAVAko Diseinu Editorialeko Masterreko irakaslea eta zuzendarikidea ere bada. 2017Ko Gràffica Sarietan saritu zuten Albert, eta Forbesek 100 espainiar sortzaileenen artean sartu zuen.

 

Rafa Martínez
COO & Head of Brand Strategy Partner Barcelona (Espainia), 1976.
Rafak estudioko komisioak eta eragiketak kudeatzen ditu, betiere ikuspegi estrategikoaz eta kazetaritzakoaz. Horrez gain, esperientzia globala dauka branding-ean eta komunikazioan. Blanquerna-Ramon Llull Unibertsitateko Komunikazio Fakultatean ikasi ostean, Folchen bazkide bilakatu zen. Rafa pentsamendu estrategikoko irakaslea da ELISAVAko Diseinu Grafikoko Masterrean. Eldorado, Odiseo eta Folch Insightseko bazkide ere bada, baita White Horseko bazkide fundatzaile eta produktore eragile ere.

 

 

LEKUA
Azkorri Beach House
Goienetxe estarta 17, Getxo

www.azkorribeachhouse.com

 

 

Diseinuko ikaslea naiz. Ikastaro trinko hau niretzat al da?

Ziur asko ikasiko eta gozatuko duzula, baina uste dugu ikastaroari zuku gehien aterako dienen profila dela urte batzuetako esperientzia duten eta lanean diharduten diseinatzaileena.

 

Lotara gelditzen ez banaiz, zein ordutarako egon behar nahiz prestakuntzarako?

Ideia da esperientziaz ahalik eta gehien gozatzea. Beraz, gosaritik afarira arte egon nahiko genuke zurekin. Baina, noski, nahi duzunean joan zaitezke.

 

Logela partekatu beharko dut?

Osasun egoera dela eta, etxean lo egin ahal izango dutenen kopurua mugatu egin dugu, eta pertsona bakoitzak bere logela izango du.

 

Bik joan nahi dugu. Logela parteka dezakegu?

Bai, bikotekideak baldin bazarete (lanekoak, sentimentalak edo biak) eta logela partekatu nahi baduzue, bidal iezaguzue mezu elektroniko bat, eta pack bakarrean etortzeagatik deskontutxoa egin ahal izango dizuegu.

 

Zerbait eraman behar dut?

Edozein kanpamentutan bezala, egun batzuk lehenago iritsiko zaizu ekarri beharreko guztiaren zerrenda. Ez da beste munduko ezer izango… Eguzkitako krema, eltxoen aurkakoa…

 

Kanpotik nator. Nola iritsiko naiz etxeraino?

Hori ez dadila arazo izan! Idatz iezaguzu eta aukera guztien berri emango dizugu, koordinazio lanak egingo ditugu beste norbaitekin etor zaitezen, edo zure bila joango gara gertuen dagoen metro geltokira.

 

A ze ideia ona!!

Baiiii, gogo handia genuen aspalditik halako zerbait antolatzeko, eta azkenean animatu gara. Escola Muuu eta Albarracin bezalako ekimenei egiten diegun omenalditxoa da, oroitzapen oso onak ditugu eta.