HTMLri, CSSri eta, batez ere, diseinatzaileak eta programatzaileak askotan bereizten dituen lengoaiari beldurra galtzeko tailerra. LLOS& estudioaren eskutik, hurbilketa praktiko, atsegin eta alferrikako teknizismorik gabekoa proposatu genuen. Helburua ez zen programatzen jakitea, kodeak nola funtzionatzen duen hobeto ulertzea baizik, kontzientzia handiagoz diseinatu ahal izateko, aukera teknikoak hobeto aztertu ahal izateko eta posible egiten dutenekin tirabirarik gabe komunikatzeko.
Egun osoan zehar, eta 20 laguneko talde txiki batekin, benetako adibideak aztertu genituen, ohiko zalantzak partekatu eta hizkuntza desberdinak hitz egiten ari garen sentsazio hori desaktibatu genuen. Zenbat aldiz erortzen da ideia on bat beste aldeko norbaitek ulertzeko moduan azaltzen ez jakiteagatik? Zenbat aldiz baztertzen dira diseinu-aukerak, ezinezkoak diruditelako… eta, egia esanda, ez direnak?
Ez genuen “devs”-ak izatea lortu . Baina badakigu kodeak ez duela hozkarik egiten. Pixka bat gehiago ulertzeak asko laguntzen du. Eta beste aldera hurbiltzea, diseinatzea ere bada.
